Ozarbayjon Mudofaa vazirligi Armanistonning Metsamor shahri yaqinida joylashgan atom elektr stansiyasiga yuqori aniqlikdagi raketa zarbasini yetkazish mumkinligini ma’lum qildi.

"Armaniston Ozarbayjon Qurolli kuchlarida mavjud Armaniston uchun halokatli bo‘ladigan Metsamor AESiga aniq zarba berishga qodir bo‘lgan yangi raketa tizimlari haqida unutishmasin", - deya Ozarbayjon Mudofaa vazirligi matbuot xizmati rahbari polkovnik Vagif Dargahli so‘zlaridan iqtibos keltirdi Ozu.az portali.

Dargahli AESga zarba berish ehtimoli haqida gapirib, Armanistonning katta hududlarini suv bosishiga olib keladigan Mingechevir suv ombori to‘g‘oniga zarba berishi mumkinligi haqidagi savolga ham javob berdi. Ozarbayjon Mudofaa vazirligi vakili shuningdek, mavjud harbiy havo mudofaa tizimlari to‘g‘onga zarba berishga yo‘l qo‘ymaydi dedi. Shuningdek, u Ozarbayjonda Mingechevir suv ombori to‘g‘onini mustahkamlash bo‘yicha olib borilayotgan ishlarga to‘xtaldi.

Mingechevir shahri yaqinidagi maydoni 600 kv. m. bo‘lgan suv ombor 1953 yilda Kura daryosida qurilgan. Suv ombori Mingechevir GESida (402 MVt) elektr energiyasini ishlab chiqarishni ta’minlaydi va sug‘orishda ham ishlatiladi.

Armaniston atom elektrostansiyasi 70 yillarda qurilgan, hozir uning ikkita energoblokidan bittasi ishlayapti. Odatiy tartibda AES mamlakatning uchdan bir qism elektr energiyasini ishlab chiqaradi, ammo 1 iyuldan boshlab u rejali ta’mirlash uchun to‘xtatildi. Energiya blokining yangi ishga tushirilishi 3 sentyabrga mo‘ljallangan. Armanistondagi AES faoliyati bilan «Rosatom» shug‘ullanadi.

Mingechevir suv ombori va Armanistondagi atom elektr stansiyasining to‘g‘oniga mumkin bo‘lgan hujumlar mavzusi ommaviy axborot vositalarida bir necha bor muhokama qilingan. 2014 yilda Milliy ekologik prognozlash markazi rahbari Telman Zeynalov Haqqin.az nashriga bergan intervyusida agar to‘g‘on portlab ketsa, Bokuga qadar suv kelishi mumkinligini aytgan edi.