O‘zbekiston Tashqi ishlar vazirligi Ozarbayjon va Armaniston chegarasida yuzaga kelgan qurolli to‘qnashuvlar bo‘yicha bayonot berdi.
"... Mazkur hududdagi holatning yanada keskinlashishi tinch aholi orasida qurbonlar bo‘lishiga olib kelishi, MDH hududidagi muhim iqtisodiy aloqalar va kommunikatsiyalarni buzishi, mintaqaviy xavfsizlikka zarar yetkazishi mumkin.
O‘zbekiston tomonlarning o‘ta sabr-toqatli bo‘lishi tarafdori va holatni barqarorlashtirish hamda mazkur vaziyatdan chiqish uchun siyosiy-diplomatik muzokaralarga chaqiradi", - deyiladi TIV saytida e’lon qilingan bayonotda.
Shuningdek, Tashqi ishlar vazirligi halok bo‘lganlarning oila a’zolari va yaqinlariga ta’ziya bildiradi.
Mavzuga doir: Ozarbayjonning ikki nafar yuqori martali zobiti o‘ldirildi