Bugun AOKA huzuridagi shtabda Koronavirusga qarshi kurashish shtabi a’zosi Habibulla Oqilov ishtirokida brifing bo‘lib o‘tdi. Unda pandemiya bilan bog‘liq vaziyat bo‘yicha savollarga javob qaytarildi:
Savol: Koronavirus tufayli ekologik vaziyati og‘ir bo‘lgan chet el davlatlaridan pochta orqali jo‘natmalarni olish xavfli emasmi?
Javob: Xavfli emas. Pochta jo‘natmalari orqali koronavirus infeksiyasi yuqmaydi. Jahon sog‘liqni saqlash tashkiloti davlatlararo savdo va yuklarning harakati bo‘yicha hech qanday cheklovlar tavsiya etmaydi. Hozirgi vaqtda O‘zbekistonga boshqa davlatlardan pochta yuborishlarining yetkazilishi shtat rejimida tashkil etilgan.