Qozog‘istonda mahalliy tadbirkorlarni qo‘llab-quvvatlash va yangi ish o‘rinlari yaratish uchun kamida 300 milliard tanga (734 mln dollar) mablag‘ ajratiladi, deb xabar beradi Kazinform muxbiri.
Bu haqda Qozog‘iston Respublikasi Prezidenti Qasim-Jomart Toqayev televideniye orqali qilgan murojaatida aytib o‘tdi.
«Biz byudjet xarajatlarini biz uchun eng ko‘p foyda keltiradigan sohalarga yo‘naltiramiz. Mamlakatimiz tadbirkorlarini qo‘llab-quvvatlash va yangi ish o‘rinlari yaratish uchun kamida 300 milliard tanga ajratiladi», - dedi Prezident.
Eslatib o‘tamiz, Jahon sog‘liqni saqlash tashkiloti tomonidan yangi COVID-19 koronavirusi pandemiya deb e’lon qilinganligi munosabati bilan fuqarolarning hayoti va sog‘lig‘ini himoya qilish maqsadida Qozog‘istonda 2020 yil 16 mart 08:00dan 2020 yil 15 aprel 07:00gacha bo‘lgan muddatda favqulodda vaziyat joriy qilindi.