Bugun, 2 mart kuni O‘zbekiston Respublikasi Prezidenti Shavkat Mirziyoyev mamlakatimizda amaliy tashrif bilan bo‘lib turgan Xitoy Kommunistik partiyasi Markaziy qo‘mitasi Siyosiy byurosi a’zosi, Tashqi ishlar bo‘yicha komissiya devonxonasi rahbari Yan Szechi boshchiligidagi delegatsiyani qabul qildi.
Prezident matbuot xizmatining ma’lum qilishicha, yuqori martabali mehmon Prezidentimizga samimiy qabul uchun minnatdorlik bildirib, XXR Raisi Si Szinpinning salomi va eng ezgu tilaklarini yetkazdi.
Shuningdek, Yan Szechi yangi turdagi koronavirus tarqalishiga qarshi kurashda ko‘rsatilayotgan ko‘mak uchun Xitoy rahbariyatining minnatdorligini yana bir bor izhor etdi va bu borada yaqindan hamkorlikni davom ettirishga tayyor ekanini tasdiqladi.
MAVZUGA DOIR: Abdulaziz Komilov Xitoy Kommunistik partiyasining tashqi ishlar bo‘yicha rahbarini qabul qildi
Uchrashuvda ko‘p qirrali O‘zbekiston-Xitoy sherikligining dolzarb masalalari muhokama qilindi, bo‘lajak oliy darajadagi tadbirlar rejasi ko‘rib chiqildi.