Tehrondan Moskvaga qadar: musulmonlar Makronga qarshi norozilik namoyishlari uyushtirmoqda (fotojamlanma)

31.10.2020 16:28,

Fransiya prezidenti Emmanuyel Makronga qarshi namoyishlar butun dunyo bo‘ylab tarqaldi - musulmon davlatlarida namoyishlar bo‘lib o‘tdi, Fransiya rahbarining suratlari va mamlakat bayroqlari yoqildi. Iordaniya, Qatar, Kuvayt va Turkiyada shu hafta fransuz tovarlariga boykot e’lon qilindi, ba’zi do‘kon egalari ularni peshtaxtalardan olib tashladi.

Prezident Makron Islom inqirozga uchragan deb e’lon qilganidan va Fransiya Respublikasining dunyoviy qadriyatlarini radikal islomdan himoya qilishga chaqirgandan keyin norozilikning asosiy to‘lqini tarqaldi. "Biz karikatura va rasmlardan voz kechmaymiz", - dedi Makron 16 oktabr kuni Parijning chekka qismida radikal islomchi tomonidan boshi kesilgan o‘qituvchini xotirlash marosimida.

Makronning so‘zlaridan so‘ng islom dunyosining bir qator davlatlari rahbarlari g‘azablangan bayonotlar berishdi - ularning hammasi Yelisey saroyida yoqilgan islomofobiyaga qarshi kurashishga chaqirdilar. Hammasidan Turkiya Prezidenti Rajab Toyyib Erdog‘anning bayonoti oshib tushdi: u fransuz hamkasbiga “psixikasini davolashni” tavsiya qildi. Erdog‘anning so‘zlari fonida turk lirasi AQSh dollariga nisbatan tarixiy minimumga pasaydi: 1 dollar 8 liraga chiqdi. Bunga javoban Yevropadan norozi ovozlar yangradi: ko‘plab Yevropa siyosatchilari Makronga birdamlik bildirdilar va Turkiya rahbariga uning Fransiyadan tovarlarni boykot qilish chaqiriqlari Yevropa Ittifoqi bilan tuzilgan shartnomalarga zid ekanligini eslatdilar. Gazeta.ru nashri dunyoda Makronga qarshi uyushtirilayotgan namoyishlar haqida fotojamlanma tayyorladi.