Toshkent shahar hokimligi aholini kuchli shamol va yomg‘irdan ogohlantirdi

Toshkent shahar hokimligi aholini kuchli shamol va yomg‘irdan ogohlantirdi

«Gidrometeorologiya xizmati markazi»ning ma’lumotiga ko‘ra, bugun poytaxt Toshkentda shamol va qisqa muddatli yomg‘ir kutilmoqda. Shamol tezligi 12-17 m/s gacha yetishi mumkin.

Shamol daraxtlar va shoxlarni sindirishi, mustahkam o‘rnatilmagan konstruksiyalarni o‘rnidan qo‘zg‘atishi mumkin. Bundan ularning ostidagi odamlar va avtotransport vositalariga shikast yetishi mumkin.

Shu sababli Toshkent shahar hokimligi barcha toshkentliklar va poytaxtimiz mehmonlaridan kuchli shamol kuzatilganida ko‘chada harakatlanmasliklarini, avtomobillarini daraxtlar va boshqa turli mustahkam bo‘lmagan konstruksiyalardan uzoqroq, xavfsiz joyga qo‘yishlarini so‘radi.

«O‘zingiz va mulkingizni baxtsiz hodisalardan asrang» - deyiladi hokimlik xabarida.