Avval xabar qilganimizdek, shu yilning 8 mart kuni Mirobod tumani Shahrisabz ko‘chasida 36 yoshli Kamila I.ga tegishli “Mercedes-Benz GLS300” va “BMW X5” rusumli avtomobillari qasddan yoqib yuborilgan edi. Moddiy zarar summasi taxminan 225 000 AQSh dollari miqdorida baholangan.
Ushbu fakt bo‘yicha O‘zbekiston Respublikasi Jinoyat kodeksining 173 moddasi ikkinchi qismi “v” bandi bilan jinoiy ish qo‘zg‘atilgan.
Toshkent shahar IIBBning ma’lum qilishicha, ko‘rilgan choralar davomida ikkita avtomobillarni qasddan yoqib yuborganlikda gumonlanuvchilar ushlangan. Ular 30 yoshli samarqandlik Tursin E. va Toshkent viloyatida yashovchi 26 yoshli Shahzod Sh.lar ekanligi ma’lum qilindi.