AQSh prezidenti Donald Tramp Shimoliy Koreyaga nisbatan 2008 yildan beri qo‘llanib kelinayotgan sanksiyalarni yana bir yilga uzaytirdi. Bu haqda RIA Novosti xabar bermoqda.

"Koreya yarim orolida qurol ishlatish uchun yaroqli materiallarning tarqalishi xavfi va Shimoliy Koreya rasmiylarining harakatlari va tamoyillari AQSh milliy xavfsizligi, tashqi siyosati va iqtisodiyotiga haddan tashqari va favqulodda tahdid solishda davom etmoqda. Shu munosabat bilan ... men Shimoliy Koreyaga qarshi milliy favqulodda holat rejimini bir yilga uzaytiraman ”, - deyiladi Oq uy tomonidan e’lon qilingan hujjatda.

Ushbu sanksiyalar rejimi AQSh prezidentining 2008 yil 26 iyundagi farmoni bilan e’lon qilingan.

Xususan, sanksiyalar yadroviy materiallarning tarqalishi va KXDR tomonidan, AQShga ko‘ra, mintaqada barqarorlikni buzadigan boshqa harakatlar bilan bog‘liq.

Amerika Qo‘shma Shtatlari KXDR bilan yadrosizlanish to‘g‘risida muzokaralar olib bormoqda, ammo Shimoliy Koreyani yadrosizlantirishga erishilgunga qadar sanksiyalarni olib tashlamasligini bir necha bor ta’kidlagan.