Америкалик миллиардер Илон Маскнинг SpaceX компанияси Украинада сунъий йўлдош интернетини ўрнатиш учун ўнлаб миллион доллар сарфлади. Маскнинг ўзи тан олганидек, бу унга 80 миллион долларга тушди. Бу ҳақда у ижтимоий тармоқларда гапирди, унинг сўзларидан иқтибос келтирмоқда РБК.

Сайёрадаги энг бой одам ўз чўнтагидан сунъий йўлдошларни учириш ва уларга хизмат кўрсатиш учун пул сарфлаганини тан олди. У Украина можаросини ҳал қилиш бўйича ўз йўлини таклиф қилганидан кейин шундай баёнот берди. Миллиардернинг фикрича, тўрт банднинг амалга оширилиши тинчликка олиб келиши мумкин. 

SpaceX сунъий йўлдошларини 2019 йил май ойидан бошлаб учирмоқда, ҳозирда 3000 га яқин сунъий йўлдошлар Ер орбитасида. Сентябрь ойи ўрталарида SpaceX коинотга 54 та сунъий йўлдошдан иборат навбатдаги партияни учирди. Ускуналар барча қитъаларда ишга туширилди. Охиргиси Антарктида бўлиб, унда сентябрь ойи ўрталарида Илон Маскнинг сунъий йўлдош орқали интернетга уланиши пайдо бўлди.