Япониянинг Яманаси префектурасида истиқомат қиладиган 68 ёшли Хирохито Миягава тоғда юрганида айиққа тўқнаш келди ва ундан карате усули ёрдамида қутулди.
Кекса япон орқасида ниманидир ҳис қилганини, ўгирилиб қараб ҳужумга шайланаётган айиқни кўрганини ҳикоя қилиб берди. Аммо қария эпчиллик қилиб биринчи зарбани берган. Оёғи билан аввал айиқнинг қорнига, сўнг кўкраги ва бошига тепгач, айиқ қўрқиб кетиб қочиб қолган.
Айиқлар ҳужумига учраш Японияда фавқулодда ҳол эмас. Бир йилда юздан ортиқ бундай ҳолатлар кузатилади, уларнинг 10 фоизи фожиали тугайди.