Илк бор долларнинг расмий курси пасайди
6.09.2017 21:25,
12
Бугунги биржа савдоларида АҚШ долларининг миллий валюта — сўмга нисбатан курси 14 сўмга пасайди. Кеча, 5 сентябрь кунги савдоларда расмий курс 8110 сўм билан якунланган бўлса, бугун 18:00 ҳолатига кўра расмий курс 8096 сўмни ташкил этди.
Ушбу воқеа одамларнинг кайфиятини доимо бузадиган расмий курс ошиши хабарларига нисбатан ижобий ҳолат сифатида баҳоланмоқда.
Хорижий валютага нисбатан бозор қонуниятларининг жорий қилиниши натижаси ўлароқ курс тушиши кузатилмоқда, дея дастлабки хулоса ясаш мумкин.
Эслатиб ўтамиз, бунгача Марказий банк ҳар ҳафтада расмий курсни белгилар, ҳар ҳафтада долларнинг расмий курси бир маромда (30 сўм атрофида) ўсиб борарди.