28 сентябрь куни Европа тикланиш ва тараққиёт банкининг Марказий Осиё ва Россия бўйича бошқарувчи директори Наталя Ханженкова бошчилигидаги делегация Тошкент шаҳрига ташриф буюрди.
Делегация ташриф дастуридан Олий Мажлис Сенати, ташқи ишлар, молия, иқтисодиёт, ахборот технологиялари ва коммуникациялар вазирликлари, Ўзбекистон Савдо-саноат палатасидаги учрашувлар ва музокаралар ўрин олган. Бу ҳақда Ўзбекистон Республикаси Ташқи ишлар вазирлигининг матбуот хизмати хабар берди.
Делегация, шунингдек, Навоий шаҳрига ташриф буюриб, у ерда “Европа тикланиш ва тараққиёт банкининг кичик ва ўрта бизнес субектлари билан ҳамкорлик механизмлари” тренинг-семинарида иштирок этади.