Мурожаатнинг бир нусхаси тахририятга ҳам жўнатилган, унда ёзилишича, район дўконларида гўшт ва балиқ консервалари, ун, шакар, туз, макарон, ўсимлик ёғи, мева ва сабзовот ҳамда сут маҳсулотлари йўқ. Бир ойдан зиёд вақт мобайнида озиқ-овқатлар Иркутск ва Киренскга борганлар орқали олиб келинмоқда, деб Lenta.ru хабар бермоқда.
Катангскга районига озиқ-овқатлар самолётларда келтирилиб турилган, авиаташувчилар бунинг учун субсидиялар олиб туришган. Мурожаатда айтилишича, келтирилаётган маҳсулотларни маҳаллий ҳокимят назорат қилади, лекин улар районга керакли миқдорда озиқ-овқат келтирилганлиги ҳақида ҳисобот беришган. Қишлоқларга қишки йўл декабрнинг иккинчи ярмида очилиши кутилмоқда, деб қўшимча қилмоқда "Байкал-инфо".
Ноябр ойининг охирида ҳам Рязан вилоятининг Троице-Орловка қишлоғидагилар ҳам озиқ-овқат маҳсулотлари таъминотидан маҳрум бўлишган, худуддаги ягона дўкон ёзда ёпилган эди. Одамлар маҳсулотлар учун 12 км узоқликда жойлашган дўкондан ҳарид қилиш учун қатнашган.