Вазирлар Маҳкамасининг 28 февралдаги 149-сон қарори билан дизель ёнилғиси ва ЭКО дизель ёнилғисининг ягона чакана нархларига тегишли ўзгартиришлар киритилди. Бу ҳақда Norma хабар бермоқда.

Жорий йилнинг 1 мартидан қуйидаги ягона чакана нархлар жорий этилди:

- дизель ёнилғиси — 1 литри учун 4600 сўм миқдорида (12,1 фоизга қимматлашди);

- ЭКО дизель ёнилғиси — 1 литри учун 4700 сўм миқдорида (11,9 фоизга қимматлашди).

Қарорга мувофиқ, дизел ёнилғиси ушбу нархларда тўғридан-тўғри шартномалар бўйича, шу жумладан, қишлоқ хўжалиги маҳсулотларини етиштирувчилар ва автомобилларга ёнилғи қуйиш шохобчаларига истеъмол солиғини ҳисобга олган ҳолда сотилади. Хусусан, пахта хом ашёси ва бошоқли дон етиштирувчилар сотиб оладиган ЁММ учун 100 фоиз олдиндан тўловни амалга оширади.