Президент 4 та қонунни имзолади

03.10.2018 | Ўзбекистон | 4272

2 октябрь куни Шавкат Мирзиёев сенат ялпи мажлисида кўриб чиқилган қатор қонунларни имзолади. 

1. Ўзбекистон Республикаси Давлат хавфсизлик хизмати кунини белгилаш тўғрисида

Қонунчилик палатаси томонидан 25 сентябрда қабул қилинган. Сенат томонидан 27 сентябрда маъқулланган. Унга кўра, 5 апрель Давлат хавфсизлик хизмати куни этиб белгиланди.

2. Париж битимини (Париж, 2015 йил 12 декабрь) ратификация қилиш тўғрисида

Қонунчилик палатаси томонидан 5 сентябрда қабул қилинган. Сенат томонидан 27 сентябрда маъқулланган.

 3. Ислом ҳамкорлик ташкилоти Уставига киритилган тузатишни (Абиджан, 2017 йил 10-11 июль) ратификация қилиш тўғрисида 

Қонунчилик палатаси томонидан 7 августда қабул қилинган. Сенат томонидан 27 сентябрда маъқулланган. 

4. Ислом мамлакатларининг стандартлар ва метрология институти Устави ва Тартиб-қоидаларини (Истанбул, 1999 йил 7 ноябрь, 2017 йил 7 май ҳолатидаги ўзгартиришлар билан )ратификация қилиш тўғрисида

Қонунчилик палатаси томонидан 7 августда қабул қилинган. Сенат томонидан 27 сентябрда маъқулланган.