Самарқанд вилояти прокуратураси маълумотларига кўра, йил бошидан буён 863 та жиноят аёллар томонидан содир этилган. Ушбу рақамлар ўтган йилгиси билан солиштирганда 6,3 фоизга кам. Фақат Самарқанд шаҳрида 9, Каттақўрғон шаҳрида 4,5, Пайариқда 8,8, Паст Дарғомда 30,2, Ургутда эса 18 фоизга ошган. Бу ҳақда “Зарафшон” газетаси ёзмоқда.
Қайд этилишича, аёллар томонидан содир этилаётган жиноятлар турлари кенгайиб бормоқда. Яъни, товламачилик, ўғирлик, гиёҳвандлик, талон-тарожлик, одам савдоси, сохта тадбиркорлик, фирибгарлик, порахўрлик, чегарани ноқонуний бузиш сингари жиноятлар.