БМТ Бош котиби Пан Ги Мун Жанубий Кореядаги президент сайловида ўз номзодини қўйиш истагида эканлигига шаъма қилди. Бу ҳақда ТАСС хабар берди.
“БМТдаги ўн йиллик тажрибам Жанубий Кореянинг тараққиётига хизмат қила олса, кейинги фаолиятимни Корея Республикасига бағишлашга тайёрман”, дейди Пан Ги Мун.
Шунингдек, Пан Ги Мун 31 декабрда лавозимини тарк этганидан сўнг келгуси йил январи ўрталарида Сеулга қайтиш ниятида эканлигини маълум қилди.
Жанубий Кореянинг амалдаги президенти Пак Кин Хени лавозимидан четлатиш жараёни парламентдаги импичмент бўйича овоз бериш натижалари Конституциявий суд томонидан тасдиқланганидан сўнг якунига етади. Буни 6 ой мобайнида амалга ошириши лозим бўлган суд парламент қарорини тасдиқласа, мамлакатда муддатидан олдин президентлик сайловлари ўтказилади.