Филиппиннинг сиёсатчига тўғри келмайдиган гаплари билан танилган президенти Родриго Дутерте бу гал БМТни кескин танқид қилди.
Мамлакат жанубидаги Замбоанга ҳарбий базасида чиқиш қилар экан Дутерте “БМТга бориб шикоят қилишингиз мумкин, мен Америкага борсам БМТни ёқиб юбораман”, деди. Унинг норозилигининг сабаби БМТ ҳуқуқ ҳимоячилари наркотика айланмасига дахлдорликда айбланиб шахслар ўлдирилишини текширишни талаб қилганидир.
БМТ маълумотига кўра, Дутерте давлат тепасига келгандан бери наркосавдо билан алоқадорликда айбланган 6 мингдан ортиқ одам ўлдирилган.