Жаҳон бокс сериясида "Uzbek Tigers" шарафини ҳимоя қиладиган спортчиларимиз рўйхати маълум бўлди. Унда боксчиларимиздан уч нафари бошқа вазн тоифалари бўйича иштирок этишади, деб ёзади "Оламспорт" нашри.
Хусусан, Олимпиадада -52 кг вазн тоифасида олтин медали соҳибига айланган Шаҳобиддин Зоиров энди -56 кг вазн тоифасида рингга чиқади.
Риода -56 кг вазн тоифасида юртимиз шарафини ҳимоя қилиб, бронза медали соҳибига айланган Муроджон Аҳмадалиев эса -60 кглик рақибларга қарши жанглар ўтказади.
Олимпиаданинг кумуш медали соҳиби Бектемир Мелиқўзиев эса -75 кг дан -81 кг вазн тоифасига ўтди.
Боксчиларимиздан Ҳасанбой Дўсматов, Шаҳрам Ғиёсов, Баҳодир Жалолов каби спортчилар эса ўз вазнларида қолганлар. Олимпия ўйинлари иштирокчиларидан Хуршид Тожибоев, Фазлиддин Ғоипназаров, Элшод Расулов ва Рустам Тўлаганов каби боксчилар "Uzbek Tigers" таркибида йўқ.
Эслатиб ўтамиз, боксчиларимиз 3 февраль куни Хитойда "Чайна Драгонс"га қарши жангларда иштирок этадилар.