Бугун, 16 январь куни қатор айбловлар асосида 2016  йилнинг 31 октябрь куни қўлга олинган Жанубий Корея президенти Пак Кин Хенинг дугонаси Че Сун Шил судда кўрсатма бера бошлади. 

Корея Конституциявий суди, мамлакат президенти Пак Кин Хега нисбатан республика парламенти томонидан қўлланилган импичментни муҳокама қилиш бўйича илк мажлисини ўтказган. Эслатиб ўтамиз, Че Сун Шил президент Пак Кин Хе билан яқинлигидан шахсий ғаразли мақсадларини амалга ошириш учун фойдаланишда гумон қилинмоқда. 

Ёнхап агентлигига кўра, Че Сун Шил судда кўрсатма берар экан, президентнинг Сеулдаги "Мовий уй" қароргоҳида ҳеч қачон бўлмагани ва президент Пак Кин Хе билан муносабатларидан ҳеч қачон шахсий мақсадларида фойдаланмагани ҳақида баёнот берган. Шу билан бирга, у Пак Кин Хедан, президент учун либослар харид қилиш мақсадида пул олганини тасдиқлаган. 

Унинг кўсатмалари асосида 2017 йилнинг 3 январь куни мамлакат президенти Пак Кин Хега импичмент қўллаш қанчалар адолатли ёки адолатсиз бўлганини билиб олиш мумкин бўлади. Агар импичмент иши ноўрин қўлланилган деб топилса, Пак Кин Хе ўз лавозимига қайтиши мумкин бўлади.
 
Бугун, 16 январь, куннинг иккинчи ярмида президентнинг собиқ ёрдамчисини сўроқ қилиш ишлари бошланади.
 
Маълумот учун, 3 январь куни Жанубий Корея суди давлат бошқарувига бефарқлик билан қараган ва ҳалқ ишончини суистеъмол қилганликда айбланаёган мамлакат президенти Пак Кин Хега қарши илк расмий импичмент эшитувини бошлади. Гарчи импичмент бўйича биринчи эшитув куни эълон қилинган бўлса-да, вақтинчалик президентлик лавозимидан озод қилинган Пак Кин Хе кўрсатма беришдан бош тортди ва суд эшитувига келмади. Бундай ҳолатда суд уни эшитувларда қатнашишга мажбур қила олмайди, бироқ эшитувлар унинг иштирокисиз ҳам ўтиши мумкин бўлади. Суд эшитувлари бўйича сўнгги қарор 6 ойгача бўлган муддат ичида эълон қилинади.