Марказий Хитойнинг Хунань провинциясидаги кўмир конида юз берган портлаш 8 нафар кончи ўлимига сабаб бўлди. Бу ҳақда ишлаб чиқаришдаги хавфсизликни назорат қилиш бўйича давлат бошқармаси хабар қилди.
Ҳодиса 14 февраль, сешанбага ўтар кечаси рўй берди. Портлаш чоғи конда 29 киши бўлган, улардан 18 нафари фалокат жойини тарк этишга муваффақ бўлди.
Яна уч кишининг тақдири номаълум бўлиб турибди. Ҳодиса жойида қидирув-қутқарув амалиёти давом этаяпти. Рўй берган воқеа юзасидан суриштирув ўтказилмоқда, портлаш сабаблари аниқлаштирилмоқда.