Эквадор фуқаролари 19 февралда мамлакатда ўтадиган сайловларнинг 1-босқичида кейинги 4 йилга президент сайлашади. Шунингдек, мамлакат парламентига ҳам янги депутатлар сайланди, деб ёзади «ТАСС».
Бу охирги 10 йил ичида мамлакатнинг амалдаги президенти Рафаэль Корреа иштирок этмаётган илк сайловлар бўлади. Бироқ у сайловолди кампаниясида фаол иштирок этиб, "ПАИС альянси" блокидан номзод, собиқ вице-президент Ленин Моренони қўллаб-қувватлади.
Эквадорда президентлик лавозимига саккиз киши номзодлик қилмоқда. Мамлакатнинг амалдаги раҳбари Рафаэль Корреа ҳукуматни тарк этишга қатъий қарор қилган. Шунинг учун у номзодлар рўйхатида йўқ.
Жамоатчилик сўровномаси натижаларига кўра, давлат раҳбари лавозими учун асосан уч номзод: Эквадорнинг собиқ вице-президенти Ленин Морено, ўнг марказчилар ҳаракати вакили собиқ банкир Гильермо Лассо ва Социал-христианлар партиясидан Синтия Витери курашади.
Савлов участкалари маҳаллий вақт бўйича 07:00 дан ва 17:00 гача очиқ бўлади. Биринчи расмий натижалар 20:00 дан кейин маълум бўлиши кутилмоқда. Охирги маълумотларга кўра, мамлакатда 12,8 млн киши овоз бериш ҳуқуқига эга