Агар Австралия АҚШнинг Пхенянни иҳоталаш ва босим ўтказиш йўлидан борадиган бўлса Шимолий Корея унга ядро зарбаси бериши мумкин. Бу ҳақда КХДР Ташқи ишлар вазирлигининг вакилига асосланиб, АВС телеканали хабар тарқатди.
Яқинда Австралия Ташқи ишлар вазири Жули Бишоп Шимолий Кореянинг ядровий дастури Австралияга жиддий таҳлика туғдиришидан хавотирини билдирганди. КХДРнинг баёноти Австралияга жавоб бўлди.
“Австралиянинг ҳозирги ҳукумати кўр-кўрона ва зўр бериб АҚШ йўлидан бормоқда. Агар Австралия Шимолий Кореяга босим кўрсатиш ва уни иҳоталаш бўйича ўжарлик билан АҚШга эргашадиган бўлса, бу Шимолий Корея стратегик кучларининг ядровий зарбаси доирасига тушиб ўз-ўзини ҳалок қилиши бўлади”, деди КХДР Ташқи ишлар вазирлиги вакили.