GM Uzbekistan'нинг Фейсбукдаги саҳифасида жисмоний ва юридик шахслар учун автомобилга тўловни амалга ошириш турлари ҳақида маълумот берилди.

Жисмоний шахсларга автомобиль етказиб бериш тартиби қуйидагича:

- нақд пул маблағларини банк ташкилотлари кассасига топшириш йўли орқали;

- жисмоний шахсларга тижорат банклари томонидан автомобилни харид қилиш учун бериладиган истеъмол кредити ҳисобидан ёки жисмоний шахсларнинг омонат (депозит) ҳисоб рақамларидаги маблағлардан пул ўтказиш йўли орқали;

- фақатгина харидор номига расмийлаштирилган жисмоний шахснинг пластик карточкаси орқали.

Юридик шахсларга автомобилни етказиб бериш қуйидагича амалга оширилади:

- юридик шахсларнинг банклардаги депозит ҳисоб рақамларидан, пул маблағларини қонунда белгиланган тартибда пул ўтказиш йўли орқали;

- тижорат банклари томонидан юридик шахсларга ёки якка тадбиркорларга автомобил харид қилиш учун берилган кредит ҳисобидан, ссуда ҳисоб рақамларидаги маблағлардан пул ўтказиш йўли орқали.