30 июнь куни Вазирлар Маҳкамаси Ўзбекистон ҳукуматининг айрим қарорларига киритилган ўзгаришлар ҳақидаги қарорни имзолади. Бу ҳақда Марказий банкдаги манбасига асосланиб kommersant.uz хабар қилмоқда. Ҳужжатга кўра биржадан ташқари валюта бозорида хорижий валютани сотиш ва харид қилиш бўйича операцияларга ўзгаришлар киритилган.
Энди банклар валютани бозор курси бўйича сотиш ва сотиб олиш ҳуқуқини қўлга киритди.
Илгари бундай операциялар “талаб асосида шаклланган эркин курс ва сўнгги банклараро савдо сессиясида хорижий валюта таклифи бўйича” амалга ошириб келинган.