Марказий Сайлов комиссияси раиси Мирзо-Улуғбек Абдусаломов Ўзбекистон президенти сайлови натижаларини маълум қилди, деб ёзмоқда Кун.уз нашри. Сайловда 17 миллион 951 минг 667 сайловчи иштирок этди, давомат эса 87,3 фоизни ташкил қилди.
МСК раиси сайловчиларнинг 88,61 фоизи Либерал-демократлар партияси номзоди Шавкат Мирзиёев учун овоз беришганини эълон қилди. Шавкат Мирзиёев номзодини 15 906 724 киши қўллаб-қувватлаган. Эндиликда ушбу номзод 5 йил муддатда Ўзбекистон президенти ҳисобланади.
Ўзбекистон Халқ демократик партияси вакили Ҳотамжон Кетмонов ва Ўзбекистон «Адолат» социал-демократик партияси вакили Наримон Умаров мос равишда 3,73 (669 187 киши) ва 3,46 фоиздан (619 972 киши) овоз тўплади.
Ўзбекистон «Миллий тикланиш» демократик партиясидан номзод бўлган Сарвар Отамуратов 2,35 фоизи ( 421 минг 55 нафар сайловчи) овози билан тўртинчи бўлди.