Ўзбекистондаги Beeline алоқа операторининг жорий йилдаги иккинчи чорак якунлари эълон қилинди. Бу ҳақда Likeit.uz сайти хабар бермоқда.
2016 йилнинг 2 чораги якунларига кўра Beeline Узбекистан абонентлари сони 9,9 миллион нафар кишини ташкил этди. Бу эса 2015 йилнинг иккинчи чорагига нисбатан 9 фоиз кам кўрсаткич ҳисобланади.
Компаниянинг даромади ҳам жорий йилнинг иккинчи чорагида ўтган йилгига нисбатан 6 фоизга камайиб, 164 миллион долларни ташкил этди.
2016 йилнинг ярим йиллиги якунларида ҳам Beeline Узбекистан даромади 2015 йилнинг биринчи ярмига кўра 3 фоизга камайган.
Иккинчи чорак якунларига кўра Beeline'нинг ўзбекистонлик фойдаланувчилари алоқа учун ойига ўртача 16 720 сўм сарфлашади.
Шунингдек, ҳар бир киши бир ойда ўртача 522 дақиқа суҳбатлашади.