Ўзбекистон президен Шавкат Мирзиёев ОИТСга қарши кураш тизимини янада такомиллаштириш ҳақидаги янги қарор имзолади.

Унда кейинги йилларда Ўзбекистонда ОИВ инфекцияси арқалишининг олдини олиш чоралари, ОИВ эпидемиясига йўл қўймаслик чора тадбирлари белгиланган.

Янги қарорга кўра:

ОИВ инфекциясининг тарқалиши сабаблари ўрганилиб, аҳоли орасида касаллик тарқалишининг олдини олиш бўйича мажмуавий чора-тадбирлар ишлаб чиқилади; 

Барча ОИТСга қарши кураш марказлари ва туманлараро ОИВ диагностик лабораторияларининг моддий-техника базасини янгиланади;

ОИТСга қарши кураш хизматининг ягона маълумотлар базаси ташкил этилади;

ОИВ инфекциясига қарши кураш, жаҳон тажрибасига мувофиқ, касаллик аниқланган кунидан бошлаб амалга оширилади;

Юқори сифатли дори дармонлар сотиб олиш ва даволашнинг узулуксиз бўлишини таъминлаш мақсадида, антиретровирус препаратлар давлат бюджети ҳисобидан харид қилиниш тизими босқичма-босқич киритилади;

ОИВ инфекциясининг онадан болага юқиши олдини олиш учун ОИВ инфекцияли оналардан туғилган чақалоқларни 6 ойлик бўлгунга қадар сунъий сут аралашмалари билан таъминланади;

ОИВни юқтириб олганларни ижтимоий муҳофаза қилиш бўйича тадбирларни кучайтирилади;

Мазкур қарорнинг қабул қилиниши, ОИВ инфекцияли шахсларни эрта аниқлаш, касаллик бошқаларга юқишининг олдини олиш, беморларни самарали даволаш ҳамда уларга зарур бошқа тиббий хизматларни кўрсатиш бўйича янги сифатли босқич бўлиб хизмат қилади.

Ундан ташқари мамлакатимизнинг халқаро ҳамжамият олдида ОИВ инфекциясига қарши курашиш бўйича олган мажбуриятлари тўлақонли бажарилишини таъминлайди.