Тошкент қамоқхонасидаги сўроқ чоғида пойтахт бозорларидан бирининг раҳбари вафот этди

14.11.2018 | Жамият | 4525

Тошкент қамоқхонасидаги сўроқ чоғида пойтахт бозорларидан бирининг раҳбари вафот этди. Бу ҳақда марҳумнинг қариндошларига таяниб, UPL24 маълум қилди.

У жорий йил 12 ноябрь куни оламдан ўтгани тахмин қилинмоқда.

43 яшар Дилшод Абдуллаев «Чилонзор буюм савдо комплекси» АЖ бўлимларидан бирининг раҳбари эди. У камомадда гумон қилиниб, қўлга олинган ва 97 кундан бери «Тоштурма»да эди.

Ҳуқуқ-тартибот идораларига кўра, Абдуллаев ўз жонига қасд қилган. Бироқ мазкур ҳолат юзасидан ҳозирча расман изоҳ берилмади.