Путин Алишер Усмоновни медал билан тақдирлади
25.04.2019 12:21,
12
Россия президенти Владимир Путин таниқли тадбиркор Алишер Усмоновга Рус география жамиятининг Константин медалини топширди. Бу ҳақда Кремл расмий сайти хабар қилди.
Мазкур медаль 1846 йилда РГЖ биринчи раиси буюк князь Константин томонидан таъсис этилган. Медаль география фани ва жамият фаолиятига қўшган ҳиссаси учун берилади.
Усмонов ўз нутқида келгусида ушбу ташкилот ривожланишига кўмак беришини таъкидлаб ўтди.
Эслатиб ўтамиз, апрель ойида Усмонов Forbes талқинига кўра Россиянинг энг бадавлат тадбиркорлар рўйхатида тўққизинчи ўринни эгаллади. Унинг бойлиги 12,6 миллиард долларга баҳоланди.