Тошкент шаҳри ва Мирзо Улуғбек тумани прокурорлари лавозимларидан бўшатилди
15.07.2019 20:15,
66
Тошкент прокурори Шерзод Облоқулов лавозимидан озод этилди, деб хабар бермоқда «Газета.uz» ўз манбаларига таяниб. У ушбу лавозимга 2017 йил июнида тайинланган эди.
Бундан ташқари, пойтахтнинг Мирзо Улуғбек тумани прокурори Тимур Нормуҳамедов ҳам ишдан кетган. Унинг ўрнини Равшан Ҳакимов эгаллаган.
Нашр манбаларига кўра, прокурорлар ўз лавозимларидан Тошкентнинг собиқ ҳокими Раҳмонбек Усмоновнинг қарорига эътироз билдирган фуқароларнинг мурожаатларини кўриб чиқмагани сабабли озод этилган.
Тошкент прокуратурасида ва Ўзбекистон Бош прокуратурасида ахборотни тасдиқлашмади ҳам, инкор этишмади ҳам.