Ҳиндистонда коронавирус билан касалланаётган инсонлар сони тезлик билан кўпаётгани учун иқтидордаги миллатчи Ҳиндистон халқ партияси (БЖП) аъзолари, мусулмонларни коронавирус тарқатишда айбламоқда.
Euronews нашрининг хабар беришича, ҳинд ҳукумати мамлакатдаги Covid-19 воқеаларининг катта қисмини мусулмон жамоаларининг март ойи бошида ташкиллаштирган диний йиғилиши билан боғлиқ эканлигига ишонмоқда.
Сўнгги ойларда ислом динига қарши нафрат ортган Ҳиндистонда, коронавирус эпидемияси натижасида яна мусулмонлар нишонга олиниши мумкинлигидан халқаро ҳамжамият ташвиш билдирган.
Уттар Прадешир штатидаги касалхоналар Коронавирус аниқланган мусулмонлар шифохонага қабул қилинмаслиги борасида рекламалар чоп этган. Баъзи ерлардаги дорихоналар эса мусулмон ҳиндларга дори сотмаяпти.
Ўтган ҳафта маҳаллий ОАВлар, Жарканд штатида ҳомиладор мусулмон аёл коронавирус тарқатилганлиги айби билан шифохона ходимлари томонидан калтакланганлиги сабабли, ҳомиласидан айрилганлиги борасида хабарлар тарқатган эди.