АОКАда Коронавирусга қарши курашиш штаби аъзоси Барно Абдусаматова иштирокида брифинг ўтказилди. Брифингда коронавирус инфекцияси билан боғлиқ савол ва мурожаатлар юзасидан жавоб берилди.
Савол: Уй пашшалари COVID 19 инфекциясини тарқатувчилари бўлиб ҳисобланадими?
Жавоб: Ҳозирги вақтда уй пашшалари COVID 19 вирусли патогенини юқтиришга қодир эканлигига оид бирон бир далил ёки маълумотлар мавжуд эмас.
Савол: Жисмоний машқлар бажараётганда ниқоб тақиш керакми?
Жавоб: Жисмоний машқлар бажариш вақтида ниқоб тақмаслик керак, чунки у қулай нафас олишга тўсқинлик қилади.
Тер ажралиши ниқобни тез намлантиради, бу эса нафас олишни қийинлаштиради ҳамда микроорганизмлар кўпайишига кўмаклашади.
Жисмоний машқлар бажаришда муҳим профилактика чоралари – атрофдагилардан камида 1 метр масофани сақлаш ҳисобланади.