Бугун АОКА ҳузуридаги штабда Ички ишлар вазирлиги Ахборот хизмати раҳбари Шоҳрух Ғиёсов иштирокида брифинг ўтказилди.
Брифингда муҳим савол ва мурожаатлар юзасидан жавоб қайтарилди.
Савол: Мен машинам ойнасини тонировка қилиш учун жами 12 миллион сўм сарфлаганман. Карантин вақти қанчага чўзилишидан қатьий назар, шу давр учун рухсатномамга қўшимча муддат қўшиладими?
Жавоб: Тўлов асосида автотранспорт воситаларининг ойналарини тусини ўзгартиришга (қорайтиришга) 1 йил муддатга рухсат берилади.
Бироқ Республика махсус комиссиянинг қарорига мувофиқ, карантин даврида муддати тугайдиган барча рухсат бериш хусусиятига эга бўлган ҳужжатларнинг амал қилиш муддати жорий йилнинг 1 июлига қадар узайтирилган.
Карантин даврида рухсатномангиз муддати ўтса, жорий йилнинг 1 июлигача автотранспортни ҳайдашингиз мумкин. Шу билан бирга, карантин даври ҳисобидан, қўшимча муддат берилмайди.