Дунёдаги коронавирус билан боғлиқ эпидемиологик вазиятнинг мураккаблашиши Хитойда ишлаб чиқаришни қайта тиклаш учун кўплаб ноаниқликлар туғдирмоқда. Бу ҳақда Хитойнинг саноат ва ахборотлаштириш вазирининг ўринбосари Син Гобин хабар берди деб ёзмоқда РИА Новости.

Унинг сўзларига кўра, Хубей провинцияси (маркази Ухан шаҳри)дан ташқари мамлакатнинг барча ҳудудларида йирик саноат корхоналарининг ишлаб чиқариш қувватларидан фойдаланиш 95 фоиздан ошади, ўртача ҳисобда, корхона ишчиларининг қарийб 80 фоизи аллақачон иш жойларига қайтган; ўрта ва кичик корхоналарнинг фойдаланиш даражаси 60% га етди.

"Шу билан бирга, эпидемиянинг дунё бўйлаб тарқалиши Хитойда иш ва ишлаб чиқаришни қайта бошлаш учун катта ноаниқликлар келтириб чиқармоқда", — деди амалдор.

Унинг қўшимча қилишича, Хитойдаги корхоналар ходимларни ташиш (логистика), пул маблағлари, эпидемияга қарши маблағлар етишмаслиги, турли даражадаги ишлаб чиқаришни тиклаш суръатлари ва ишлаб чиқариш занжирларининг паст самарадорлиги билан боғлиқ муаммоларга дуч келишмоқда.

Коронавирус инфекциясининг тарқалиши

2019 йил 31 декабр куни Хитой маъмурлари Жаҳон соғлиқни сақлаш ташкилотига (ЖССТ) мамлакатнинг марказий қисмидаги Ухан шаҳрида пневмония касаллиги ҳақида маълум қилди. Мутахассислар касалликнинг қўзғатувчисини аниқладилар - бу янги коронавирус эди.

Хитойда янги коронавирус қурбонлари сони 3169 кишига етди, деярли 62,8 минг киши тузалди. Соғлиқни сақлаш бўйича давлат қўмитаси мамлакатда эпидемиянинг энг юқори чўққиси ўтганини айтди.

11 март куни Жаҳон соғлиқни сақлаш ташкилоти янги COVID-19 коронавирусининг тарқалишини пандемия деб эълон қилди. Дунёнинг 125 мамлакатида 120 мингга яқин одам юқумли касалликка дучор бўлган, уларнинг аксарияти тузалиб кетган, 4 мингдан ортиғи вафот этган.

Мавзуга доир: Ҳиндистон Марказий Осиё учун Хитойнинг муқобили бўлиши мумкин