Бухорода коронавирусга чалинган аёл вафот этди
4.07.2020 18:35,
588
Соғлиқни сақлаш вазирлигининг маълум қилишича, Бухоро вилояти Ғиждувон туманида яшовчи 35 ёшли аёл Д.Ш. жорий йил 1 июль куни коронавирус инфекциясига гумон қилиниб, Бухоро вилояти юқумли касалликлар шифохонасининг реанимация бўлимига ётқизилган.
Унга “Икки томонлама пневмония, ўткир нафас етишмовчилиги 3-даража, семизлик 2-даража” ташхиси қўйилган.
Шифокорлар томонидан стандартлар асосида ўтказилган тезкор реанимацион муолажаларга қарамасдан бемор ўткир нафас ва юрак етишмовчилигидан вафот этди.
Шунингдек, айни вақтга келиб Ўзбекистонда коронавирусдан вафот этганлар сони 31 кишига етди. Ушбу вирусни жами 9611 киши юқтирган бўлса, 6251 киши касалликдан фориғ бўлган.