Ўзбекистон Республикаси Олий Мажлисининг юқори палатасига вакиллар сайлаш бўйича халқ депутатлари Тошкент шаҳар ва туман Кенгашлари депутатларининг мажлисида ўтказилган яширин овоз беришда 365 нафар депутат иштирок этди.
Овоз бериш натижаларига кўра, Тошкент шаҳар ҳокими Жаҳонгир Ортиқхўжаев 342 та овоз, “Нуроний“ жамғармасининг Тошкент шаҳар Кенгаши раиси Рустам Калонов 327 та овоз, Ўз ФА Тарих институти директори Азамат Зиё 302 та овоз, 25-Себзор сайлов округидан депутат Танзила Норбоева 349 та овоз, ЎзФА Ўсимлик моддалари кимёси институти директори Шамансур Сағдуллаев 314 та овоз ҳамда “Оила” илмий-амалий маркази директори Дилором Тошмуҳаммедова 317 та овоз олиб, Олий Мажлис Сенати аъзолигига сайланди.