"Деярли 300 минг" - ЖССТ коронавирус бўйича янги антирекорд қайд этди

Фото: Lehtikuva Lehtikuva / Reuters

Жаҳон соғлиқни сақлаш ташкилоти (ЖССТ) сўнгги 24 соат ичида 292 527 коронавирус инфекциясини қайд этди. Бу ҳақда ташкилот расмий веб-сайтида хабар берилди. Бу пандемия бошлангандан бери кунлик максимал ўсиш.

Олдинги рекорд 25 июль куни қайд этилган, ўшанда бир кун ичида, ЖССТ маълумотларига кўра, 286 мингдан ошиқ одам SARS-CoV-2 инфекциясини юқтирган.

Пандемия бошланганидан бери, ташкилот маълумотларига кўра, COVID-19 тасдиқланган ҳолатлар сони 17,1 миллионга етди, қурбонлар сони 668,910 кишини ташкил қилди, кунига 61212 киши вафот этди Жон Хопкинс университети маълумотларига кўра (реал вақтда янгиланадиган) 17,42 миллион киши юқтирган, 675 545 вафот этган.

27 июль куни Жаҳон соғлиқни сақлаш ташкилоти раҳбари Тедрос Гебрейесуснинг маълум қилишича, сўнгги олти ҳафта ичида дунёда аниқланган юқумли касалликлар сони тахминан икки баравар кўпайди. Таъкидланишича, коронавирус пандемияси тобора кучайиб бормоқда. ЖССТ коронавирус инфекцияси билан боғлиқ вазиятни баҳолашни қайта кўриб чиқиш учун фавқулодда комиссияни чақиради, дея қўшимча қилди Гебрейесус.