Ижтимоий тармоқларда пойтахтимизнинг энг гавжум “Фарҳод” деҳқон бозорида нархлар сунъий оширилгани, картошка умуман йўқлиги, бозор вақтинча ёпилгани тўғрисида хабар тарқалди.
Маълум қилинишича, ушбу хабарлар ёлғон ва ҳақиқатга тўғри келмайди.
“Бозор ҳар доимгидек бир маромда ишлаб турибди. Фақатгина, картошка масаласида бир оз тақчиллик бўлган эди. Бунга сабаб, баъзи фуқароларимиз “карантинда картошка ошар эмиш” дея қоплаб картошка харид қилганида. Шу боис, маълум муддат картошка етказиб беришда муаммо бўлди.
Бугунги кунда бу муаммо бартараф этилиб, аҳоли бемалол харид қилиши учун шароитлар яратилди”, — деди “Фарҳод” деҳқон бозори” АЖ директори Баҳодир Саидов.