Ҳиндистонда яшин уришидан бир кунда 100 дан ортиқ одам ҳалок бўлди

Ҳиндистонда яшин уришидан бир кунда 100 дан ортиқ одам ҳалок бўлди

Ҳиндистоннинг шарқий ва шимолий қисмида яшин уриши оқибатида 107 киши ҳалок бўлди. Бу ҳақда The Times of India газетасига таяниб Daryo.uz хабар берди.

Маълумотларга кўра, яшин оқибатида Бихар штатининг шарқида 83 киши, яна 24 киши шимолий Уттар-Прадеш штатида ҳалок бўлган. Қурбонларнинг аксарияти яшин чаққан вақтда далада ишлаётган бўлган. Фавқулодда хизматларнинг юқори хавф даражасидан огоҳлантиришига қарамай, одамлар ноқулай об-ҳаво шароитида ҳам ишлашни давом эттираверган.

Ҳиндистон бош вазири Нарендра Моди ўзининг Twitter'даги саҳифаси орқали ҳалок бўлганларнинг оиласида ҳамдардлик билдирган. Унинг сўзларига кўра, штатлар ҳукумати ҳалок бўлганларнинг оиласида моддий ёрдам кўрсатади.