Акциядорлар йиғилишида Tesla бош директори ўтмишда берган ваъдаларини такрорлади. Хусусан, у Tesla ҳайдовчисиз ҳаракатланишга қодир бўлган машиналарни яратишга яқинлашаётганини айтди.
Аммо у акциядорларга жуда ёқимли бўлмаган бир нечта янгиликларни айтиб берди, компания 2023 йил ўрталарида Cybertruck'ни чиқаришни режалаштираётганини, аммо 2019 йилда экспериментал пикап тақдим этилганида эълон қилинган хусусиятлар ва нархларга эга бўлган машинани сота олмаслигини таъкидлади.
Маск Cybertruck'нинг кутилгандан юқори нархи ҳақида шундай деди: "Менимча, буларнинг ҳаммаси юқори инфляция натижасида юзага келмоқда". Унинг сўзларига кўра, Tesla келгуси ойларда Техаснинг Остин шаҳридаги заводида Cybertruck ишлаб чиқариш учун ишлаб чиқариш ускуналарини ўрнатишни бошлайди.
Битта электр моторли Cybertruck эълон қилинган пайтда, олдиндан буюртма бериш учун 39 900 доллар таклиф қилинди, иккита электр мотор версияси 49 900 долларга, уч моторли версия эса 69 900 долларга тушди.
Cybertruck'нинг хусусиятлари ва нархи қандай ўзгариши ва тафсилотлар ҳақида автомобиль ишлаб чиқарилганидан сўнг батафсил маълумот берамиз.