Жаҳон озиқ-овқат дастури маълумотига кўра, дунё бўйлаб озиқ-овқатнинг учдан бир қисми чиқиндига ташлаб юборилади. Бунинг натижасида глобал иқтисодиёт ҳар йили 1 триллион доллардан маҳрум бўляпти.
Жаҳон озиқ-овқат дастури озиқ-овқатлар исроф бўлишинининг олдини олиш мақсадида кампания бошлади. Ташаббусчилар ресторанлар ва дўконлар эгаларини, шунингдек оддий фуқароларни озиқ-овқат маҳсулотларини эҳтиётлашга, ортиқча сотиб олмаслик ва “қутқариш” мумкин бўлган озиқ-овқатни чиқиндига ташламасликка чақирмоқда.
Дунёда ҳар йили 4 миллиард тоннага яқин озиқ-овқат ишлаб чиқарилади. Агар оқилона фойдаланилса ва тўғри тақсимланса, бу сайёрамиз аҳолисининг барига етиши ва умуман очлар қолмаслиги керак.