Канада ташқи ишлар вазирлиги душанба куни россиялик миллиардер Роман Абрамовичга тегишли Granite Capital Holdings'нинг санкция остидаги компаниясини ҳибсга олиш ва мусодара қилиш ниятида.
Февраль ойи охирида Украинадаги можаро бошланганидан кўп ўтмай, Европа Иттифоқи ва Буюк Британия билан бир қаторда Канада Абрамовичга нисбатан санкциялар киритди.
Бу Оттава ўзининг янги қонунчилигидан - мамлакат ҳукуматига қора рўйхатга киритилган шахсларнинг санкцияланган активларини суд қарори билан мусодара қилишга имкон берувчи махсус иқтисодий чоралар тўғрисидаги низомдан биринчи марта фойдаланмоқда.
Ҳукумат веб-сайтида эълон қилинган расмий баёнотга кўра, ташқи ишлар вазири Мелани Жоли энди Абрамовичнинг мол-мулкини ҳибсга олиш ва уларни "тожга доимий равишда топшириш" бўйича судга ариза бериш масаласини кўриб чиқади.
Агар мусодара қилинса, россиялик миллиардер ва Англиянинг "Челси" футбол клубининг собиқ эгасининг мулки Украинани реконструкция қилиш ва "уруш қурбонлари"га товон тўлаш учун ишлатилади", — дейилади хабарда.
Канада G7 мамлакатлари орасида биринчи бўлиб ушбу чорани амалга оширади.
Ушбу мусодара қилишга рухсат берувчи қонун июнь ойида қабул қилинган. Октябрь ойида Канада ҳукумати Жоли вазирлигининг санкцияларни қўллаш ва Канада қироллик отлиқ полициясига қўшимча ёрдам беришга бағишланган янги бўлинмасини молиялаштириш учун 76 миллион Канада доллари (55,6 миллион доллар) ажратилишини эълон қилди.
Абрамович Россия ва Украина ўртасида март ойи охирида Истанбулда бўлиб ўтган тинчлик музокараларида қатнашган ва апрель ойи охирида тўхтаб қолган музокараларни қайта бошлаш мақсадида Киевга ташриф буюрган эди.