Каримов Фондининг чет элда таҳсил олиш имконини берувчи грантлар танловининг учинчи саралаш босқичи бўлиб ўтмоқда. Бу ҳақда Каримов Фонди матбуот хизмати хабар берди.

Имтиҳон ҳайъати Ўзбекистон олий ўқув юртлари профессор-ўқитувчиларидан таркиб топган. Танлов Каримов Фонди грантлар танловининг учинчиси бўлиб, унинг ғолиблари Европанинг етакчи олийгоҳларида магистратура дастури бўйича икки йил таълим олиш имконига эга бўлади.

Сўнгги икки йил мобайнида Каримов Фонди грантларига ўзбекистонлик 22 нафар йигит ва қиз эга бўлди. Бугунги кунда улар Ангалт амалий фанлар университети, Дуйсбург Эссен, Рур ва Фрайбург университетлари, Москва меъморчилик мактаби, Турин политехника университети, Зиген университети, Рейн-Ваал амалий фанлар университети, Кёльн техника университети, Н.Н.Ворожсов номидаги Новосибирск органик кимё институти, Прага коллежи, Веймардаги Баухауз университети, Познандаги Санъат университетида таҳсил олмоқда.