Москвадаги Коммунарка касалхонасининг бош шифокори Денис Проценкога коронавирус ташхиси қўйилди, деб Россия 24 хабар беради.
Проценко COVID-19 га ихтисослашган ўз касалхонасида даволанмоқда, аҳволи қониқарли.
Доктор Проценконинг ҳамкасабалари унинг касаллиги 40-сонли клиниканинг ишлашига таъсир қилмаганини ва ўзлари доимий равишда коронавирус учун текширувдан ўтказилишини айтишди.
Эслатиб ўтамиз, 24 март куни Россия президенти Владимир Путин Коммунаркадаги ушбу тиббий муассасага ташриф буюрган эди.
Владимир Путин ҳимоя костюмида бош врач Денис Проценко ҳамроҳлигида юқумли касалликлар клиникасининг ички қисмини кўздан кечирди ва шифокорлар билан суҳбатлашди.
Давлат раҳбари клиниканинг тиббий ходимлари ва беморларга кўрсатилаётган тиббий хизматнинг юқори сифатини таъкидлади.