1 июлдан ноширлик ва матбаа фаолиятини лицензиялаш бекор қилинади

1 июлдан ноширлик ва матбаа фаолиятини лицензиялаш бекор қилинади

“Ноширлик ва матбаа соҳасини янада ривожлантиришга оид қўшимча чора-тадбирлар тўғрисида” Президент қарори (ПҚ–4640-сон, 16.03.2020 й.) қабул қилинди.

Қарорга мувофиқ, 2020 йил 1 октябрдан бошлаб дарсликлар ва ўқув-методик мажмуаларни нашр этишда нархлар давлат томонидан тартибга солиниши бекор қилинади.

2020 йилнинг 1 июлидан бошлаб ноширлик фаолиятини лицензиялаш ҳамда матбаа фаолиятини амалга ошириш учун рухсат бериш тартиблари бекор қилинади, ноширлик ва матбаа фаолиятини бошлаганлик ҳақида ваколатли органни хабардор этиш тизими жорий этилади.

2021 йил 1 январдан бошлаб босма маҳсулотларни сотишдан, шунингдек босма маҳсулотларни ишлаб чиқариш ва сотиш билан боғлиқ таҳрир, матбаа ва ноширлик хизматлари кўрсатишдан тушган тушумдан “Ижод” фондига ажратмалар бекор қилинади.