Одамларни дорига эмас, балки тўғри овқатланиш ва спортга ўргатиш керак – Президент

Одамларни дорига эмас, балки тўғри овқатланиш ва спортга ўргатиш керак – Президент

Фото: president.uz

Аввал хабар қилганимиздек, Президент Шавкат Мирзиёев Яшнобод тумани раҳбарлари, маҳалла раислари, тадбиркорлар, мактаб ва соғлиқни сақлаш муассасалари вакиллари билан учрашув ўтказди.

Учрашувда президент одамларга муаммоларни очиқ-ойдин муҳокама қилгани келганини, шунинг учун ёдланган гапларни гапирмасдан, кўпроқ савол бериб, таклифларини айтиши кераклигини таъкидлади.

Фото: president.uz

Шунингдек, Яшнобод туманида мактабгача таълим муассасаси қуриш, мактабларни капитал таъмирлаш, замонавий клиникалар ташкил этиш бўйича чора-тадбирлар белгиланди. Соғлом ҳаёт тарзини шакллантириш, одамларни кўпроқ дорига эмас, балки тўғри овқатланишга, спортга ўргатиш бутун жамоатчиликнинг вазифаси бўлиши кераклиги қайд этилди.

Фото: president.uz

Жиноятчиликнинг олдини олиш, ободонлаштириш ва инфратузилмани ривожлантириш бўйича ҳам кўрсатмалар берилди.

- Яшнобод ўз номига муносиб яшнаб туриши, қуйи тизимда ишни ташкил қилиш бўйича намуна бўлиши керак, — деди Шавкат Мирзиёев.

Фото: president.uz

Очиқ мулоқотда аҳоли ва тадбиркорлар ўз фикр-мулоҳазаларини айтди. Президентимиз билдирилган таклифларни қўллаб-қувватлаш ва уларни амалга ошириш бўйича мутасаддиларга топшириқлар берди.