Олимлар тузнинг янги хавфли хусусиятини аниқладилар

Олимлар тузнинг янги хавфли хусусиятини аниқладилар

Инсон организмида ош тузининг чўкиндиси аллергик реакциялар ривожланишига кўмаклашади. Бу ҳақда MedicalXpress нашрига таяниб хабар қилди.

Мюнхен Техника университети (Германия) олимлари атопик дерматит - сурункали аллергик касаллигига чалинган беморларнинг тери намуналарини таҳлил қилишди. Таҳлил натижасида терининг касалланган қисмларида натрий даражаси нормадан 30 баробар юқори эканлигини аниқлашди.

Мутахасссисларнинг таъкидига кўра, натрий хлориди T-ҳужайраларни интерлейкин-4 (IL-4) ва интерлейкин-13 (IL-13) оқсилларини юқори миқдорда ишлаб чиқишга мажбурлайди. Ушбу боғланишлар инсон организмида муҳим ўрин тутади, бироқ,  ҳаддан ортиқ миқдор тери яллиғланиши касалликларини тез суръатда ривожланишига олиб келиши мумкин.

Қайд этилишича, T-ҳужайраларига натрий хлорид таъсир ўтказиши тўхтатилишидан сўнг аллергик реакциялар сезиларли равишда пасаяди.

5092