“Ўздавкарантин“ инспекциясининг маълум қилишича, мамлакат экспорт ҳажмини ошириш мақсадида бир қанча давлатларга мева-сабзавотларни экспорт қилишга рухсат олинган. Хусусан:
Ҳиндистонга 37 хил мева-сабзавотларни экспорт қилишга рухсат олиниб, яна 15 хил маҳсулот учун музокаралар олиб борилмоқда;
Кореяга 36 хил мева сабзавот экспорти учун рухсат олиниб, яна 14 хили учун музокаралар давом этмоқда;
Японияга 64 хил мева-сабзавот экспортига рухсат олиниб, яна 11 хил маҳсулот учун музокаралар давом этмоқда;
Хитойга 14 хил мева-сабзавот маҳсулотлари экспорти учун рухсат олиниб, яна 16 хил маҳсулотлар учун музокаралар давом этмоқда, дейилади хабарда.